bas kahīñ mohabbat kā ghar ho aur december ho

dil meñ phir na koī bhī Dar ho aur december ho

bas kahin mohabbat ka ghar ho aur december ho

dil mein phir na koi bhi Dar ho aur december ho

'ishq dariyā meñ jab se bahne lagā

mauj-dar-mauj she'r kahne lagā

'ishq dariya mein jab se bahne laga

mauj-dar-mauj she'r kahne laga

tere hāthoñ mile agar murshid

chaa.e piinā savāb lagtā hai

tere hathon mile agar murshid

chae pina sawab lagta hai

muñh kabhī ham ne apnoñ se moḌā nahīñ

shahr meñ bas ke bhī gaañv chhoḌā nahīñ

munh kabhi hum ne apnon se moDa nahin

shahr mein bas ke bhi ganw chhoDa nahin

niiñd ke ghar meñ haiñ ḳhvāb aane lage

'ishq hai nāchtā aañkh ke sahn meñ

nind ke ghar mein hain KHwab aane lage

'ishq hai nachta aankh ke sahn mein

log logoñ se dostī kar ke

kitnā saste meñ bech dete haiñ

log logon se dosti kar ke

kitna saste mein bech dete hain

mas.ala jo bhī ho hal ho jaa.e

tujh ko sochūñ to ġhazal ho jaa.e

masala jo bhi ho hal ho jae

tujh ko sochun to ghazal ho jae

ek din maiñ kisī par hañsā thā miyāñ

phir ka.ī roz tak mujh ko ronā paḌā

ek din main kisi par hansa tha miyan

phir kai roz tak mujh ko rona paDa

sarhadeñ mujh ko detīñ ijāzat agar

phir maiñ makka madīna kahāñ chhoḌtā

sarhaden mujh ko detin ijazat agar

phir main makka madina kahan chhoDta

ek lambī ḳhāmushī thī chār-sū

ek duuje ke the jab ham rū-barū

ek lambi KHamushi thi chaar-su

ek duje ke the jab hum ru-baru

kisī na kisī zābte meñ rahe haiñ

bichhaḌ kar bhī ham rābte meñ rahe haiñ

kisi na kisi zabte mein rahe hain

bichhaD kar bhi hum rabte mein rahe hain