jo alag ho gayā thā jhurmuT se

us parinde kī ḳhair ho maulā

jo alag ho gaya tha jhurmuT se

us parinde ki KHair ho maula

kūḌe-dānoñ meñ laash kī sūrat

maiñ ne dekhe haiñ pyaar ke tohfe

kuDe-danon mein lash ki surat

main ne dekhe hain pyar ke tohfe

kyā musībat hai zindagī ya.anī

mujh ko jiinā paḌegā marne tak

kya musibat hai zindagi yani

mujh ko jina paDega marne tak

maiñ samajhtī huuñ jise yaum-e-vilādat apnā

dar-haqīqat vo mirī maut kā pahlā din thā

main samajhti hun jise yaum-e-wiladat apna

dar-haqiqat wo meri maut ka pahla din tha

mire dil meñ december jam gayā hai

pighal kar saal bhar bahtā rahegā

mere dil mein december jam gaya hai

pighal kar sal bhar bahta rahega