har fikr sirf jāgne vaale kā hai nasīb

jo so rahā hai bas vahī banda maze meñ hai

har fikr sirf jagne wale ka hai nasib

jo so raha hai bas wahi banda maze mein hai

ūñchā makān ban gayā jab se paḌos meñ

ruḳhsat huī hai tab se mire bām-o-dar se dhuup

uncha makan ban gaya jab se paDos mein

ruKHsat hui hai tab se mere baam-o-dar se dhup

phir aaj ek ġhazal keh ke maiñ mo'attar huuñ

phir aaj zaḳhm kiye apne sandalī maiñ ne

phir aaj ek ghazal keh ke main mo'attar hun

phir aaj zaKHm kiye apne sandali main ne

insāñ na ban sakā hai abhī tak jo aadmī

hairāñ maiñ dekh kar huuñ vo kaise ḳhudā huā

insan na ban saka hai abhi tak jo aadmi

hairan main dekh kar hun wo kaise KHuda hua

taraqqī ḳhuub kī ham ne magar ye bhī haqīqat hai

hamārā dā.era ghar-bār se aage nahīñ baḌhtā

taraqqi KHub ki hum ne magar ye bhi haqiqat hai

hamara daera ghar-bar se aage nahin baDhta

baḌe qarīne se sab ġham hue haiñ poshīda

milā hai jab se mire dil ko shā'irī kā libās

baDe qarine se sab gham hue hain poshida

mila hai jab se mere dil ko sha'iri ka libas