piine paḌte haiñ saiñkaḌoñ aañsū

dard ḳhud to davā nahīñ hotā

pine paDte hain sainkaDon aansu

dard KHud to dawa nahin hota

kyā batā.ūñ maiñ ki tum ne kis ko sauñpī hai hayā

is liye sochā mirī ḳhāmoshiyāñ hī Thiik haiñ

kya bataun main ki tum ne kis ko saunpi hai haya

is liye socha meri KHamoshiyan hi Thik hain

ho na paa.e jab mukammal ishq kā qissa to phir

shohrateñ rahne do ab gum-nāmiyāñ hī Thiik haiñ

ho na pae jab mukammal ishq ka qissa to phir

shohraten rahne do ab gum-namiyan hi Thik hain

is qadar mujh pe martī hai paglī koī

rone lagtī hai d p haTāne ke baad

is qadar mujh pe marti hai pagli koi

rone lagti hai d p haTane ke baad

sab kī taqrīroñ meñ vaise hai ḳhudā sab kā hī ik

haañ magar har dil kī apnī maz.habī poshāk hai

sab ki taqriron mein waise hai KHuda sab ka hi ek

han magar har dil ki apni mazhabi poshak hai

shaam ke tan par sajī jo surma.ī poshāk hai

ham charāġhoñ kī faqat ye raushnī poshāk hai

sham ke tan par saji jo surmai poshak hai

hum charaghon ki faqat ye raushni poshak hai

uThā ke haath duā māñgne lage haiñ charāġh

to kar rahī hai bhalā kaisī rahnumā.ī sabā

uTha ke hath dua mangne lage hain charagh

to kar rahi hai bhala kaisi rahnumai saba

āñkhoñ meñ laal Dore se paḌte chale ga.e

aañsū ye kis hunar se pirotā rahā ġhazāl

aankhon mein lal Dore se paDte chale gae

aansu ye kis hunar se pirota raha ghazal

gulāb ḳhvāb sitāre dhanak udaas charāġh

paḌī hai fasl-e-mohabbat kaTī-kaTā.ī sabā

gulab KHwab sitare dhanak udas charagh

paDi hai fasl-e-mohabbat kaTi-kaTai saba