aap ko ḳhud kī nazar lag jā.egī

aa.ine se fāsla rakkhā karo

aap ko KHud ki nazar lag jaegi

aaine se fasla rakkha karo

dil lenā hai kaam tumhārī āñkhoñ kā

kuchh rakh duuñ maiñ naam tumhārī āñkhoñ kā

dil lena hai kaam tumhaari aankhon ka

kuchh rakh dun main nam tumhaari aankhon ka

jāntī pahchāntī hai dar hamārā

DhūñDh letī hai udāsī ghar hamārā

jaanti pahchanti hai dar hamara

DhunDh leti hai udasi ghar hamara

uḌne vaale gire haiñ zamīñ par sabhī

der tak āsmāñ meñ rahā kaun hai

uDne wale gire hain zamin par sabhi

der tak aasman mein raha kaun hai

raat din badle ġham nahīñ badle

saal badlā hai ham nahīñ badle

raat din badle gham nahin badle

sal badla hai hum nahin badle