Arshad Lateef
Ghazal 9
Sher-o-Shayari 7
ajab kashish hai tire hone yā na hone meñ
gumāñ ne mujh ko haqīqat se bāñdh rakkhā hai
ajab kashish hai tere hone ya na hone mein
guman ne mujh ko haqiqat se bandh rakkha hai
-
Share this
- See Ghazal
koī to mo.ajaza aisā bhī ho apnī mohabbat meñ
tire inkār se iqrār kī sūrat nikal aa.e
koi to moajaza aisa bhi ho apni mohabbat mein
tere inkar se iqrar ki surat nikal aae
-
Share this
- See Ghazal
ḳhalā kā mas.ala hī muḳhtalif hai
samundar is qadar gahrā nahīñ hai
KHala ka masala hi muKHtalif hai
samundar is qadar gahra nahin hai
-
Share this
- See Ghazal
sabhī ta.abīr us kī likh rahe haiñ
kisī ne bhī use dekhā nahīñ hai
sabhi tabir us ki likh rahe hain
kisi ne bhi use dekha nahin hai
-
Share this
- See Ghazal
kis ke savāl par ye dil rotā hai saarī saarī raat
kaun habīb hai mirā tere ḳhayāl ke sivā
kis ke sawal par ye dil rota hai sari sari raat
kaun habib hai mera tere KHayal ke siwa
-
Share this
- See Ghazal