maiñ tire shahr se guzrā huuñ bagūle kī tarah

apnī duniyā meñ magan apne ḳhayālāt meñ gum

main tere shahr se guzra hun bagule ki tarah

apni duniya mein magan apne KHayalat mein gum

apnā kyā hai ki rahe yā na rahe

haañ magar terī zarūrat haiñ ham

apna kya hai ki rahe ya na rahe

han magar teri zarurat hain hum

talāsh-e-lā-makāñ meñ uḌ rahā huuñ

magar mujh se makāñ lipTā huā hai

talash-e-la-makan mein uD raha hun

magar mujh se makan lipTa hua hai

hisār-e-ġhair meñ rahtā hai ye makān-e-vajūd

maiñ ḳhalvatoñ meñ bhī akasr azaab dekhtā huuñ

hisar-e-ghair mein rahta hai ye makan-e-wajud

main KHalwaton mein bhi akasr azab dekhta hun