zar zamīñ to na thī muqaddar meñ

us ne virse meñ dushmanī paa.ī

zar zamin to na thi muqaddar mein

us ne wirse mein dushmani pai

gila us se hameñ 'āsim-buḳhārī’

gila jis kā kisī se ho to kaise

gila us se hamein 'asim-buKHari’

gila jis ka kisi se ho to kaise

ye daulat nahīñ yuuñ luTāne ke qābil

kifāyat-shi’ārī se lafzoñ ko barto

ye daulat nahin yun luTane ke qabil

kifayat-shi’ari se lafzon ko barto

jī rahā huuñ is tarah maiñ dosto

jis tarah do shādiyoñ vaalā koī

ji raha hun is tarah main dosto

jis tarah do shadiyon wala koi

cell phone aap kab chalāte haiñ

cell phone aap ko chalātā hai

cell phone aap kab chalate hain

cell phone aap ko chalata hai

'amal meñ thā baḌā iḳhlās 'āsim'

ki jab ye media social nahīñ thā

'amal mein tha baDa iKHlas 'asim'

ki jab ye media social nahin tha

pahle ik aadh koī letā thā

rishvat ik aadh ab nahīñ letā

pahle ek aadh koi leta tha

rishwat ek aadh ab nahin leta

silsila imdād kā jaarī rahā

on jab tak camere saare rahe

silsila imdad ka jari raha

on jab tak camere sare rahe

ghar meñ muñh haath bhī nahīñ dhotī

shahr jaatī hai ban-sañvar ke vo

ghar mein munh hath bhi nahin dhoti

shahr jati hai ban-sanwar ke wo

hoTeloñ meñ 'ajīb ho tum bhī

DhūñDte ho sukūn ghar vaalā

hoTelon mein 'ajib ho tum bhi

DhunDte ho sukun ghar wala

jab bhī maiñ un kī samt baḌhtā huuñ

bhāgte haiñ pahāḌ kyuuñ mujh se

jab bhi main un ki samt baDhta hun

bhagte hain pahaD kyun mujh se

sharm aatī hai mujh ko gaañv se

sirf tadfīn ko na le jaanā

sharm aati hai mujh ko ganw se

sirf tadfin ko na le jaana