kuchh der dum hilā.iye aaqā ke sāmne

phailā ke paañv ghar pe phir ārām kījiye

kuchh der dum hilaiye aaqa ke samne

phaila ke panw ghar pe phir aaram kijiye

yārān-e-ham-mazāq kī mahfil sajā.iye

jo muttafiq na ho use badnām kījiye

yaran-e-ham-mazaq ki mahfil sajaiye

jo muttafiq na ho use badnam kijiye

zindagī ho mirī netāoñ kī sūrat yā-rab

ho faqat apnī ġharaz se hī mohabbat yā-rab

zindagi ho meri netaon ki surat ya-rab

ho faqat apni gharaz se hi mohabbat ya-rab

rahūñ āzād na ho qaid-e-maqāmī mālik

dil badalnā ho mirā shaġhl-e-davāmī mālik

rahun aazad na ho qaid-e-maqami malik

dil badalna ho mera shaghl-e-dawami malik

apnī ġharaz ke aage sadā-e-zamīr kyā

saare takallufāt ko nīlām kījiye

apni gharaz ke aage sada-e-zamir kya

sare takallufat ko nilam kijiye

kal jo qātil the vahī aa.e masīhā ban kar

rahiye in logoñ se hushyār chanā jor garam

kal jo qatil the wahi aae masiha ban kar

rahiye in logon se hushyar chana jor garam

dal-badal jitne haiñ kahte haiñ ye siina taane

ham haiñ 'ġhālib' ke taraf-dār chanā jor garam

dal-badal jitne hain kahte hain ye sina tane

hum hain 'ghaalib' ke taraf-dar chana jor garam

jantā kā ḳhuun bechiye paise kamā.iye

kyoñ shikva-hā.e gardish-e-ayyām kījiye

janta ka KHun bechiye paise kamaiye

kyon shikwa-hae gardish-e-ayyam kijiye

ye fan pe tabsira to karte nahīñ zarā bhī

bas shaḳhsiyat kā un kī Dhote phireñge lāsha

ye fan pe tabsira to karte nahin zara bhi

bas shaKHsiyat ka un ki Dhote phirenge lasha

leader jo nazar aa.e to bolo ye adab se

taqrīr meñ tum garmi-e-whiskey se jilā do

leader jo nazar aae to bolo ye adab se

taqrir mein tum garmi-e-whiskey se jila do

urdu kā iqbāl bhī dekhā

aur us ko pāmāl bhī dekhā

urdu ka iqbaal bhi dekha

aur us ko pamal bhi dekha