sāvan kī rut aa ga.ī khile kañval ke phuul

kaliyoñ ke mukhḌe dhule aḌī chaman ke dhuul

sawan ki rut aa gai khile kanwal ke phul

kaliyon ke mukhDe dhule aDi chaman ke dhul

kis ke dil meñ dard hai kaun karegā tyaag

rote haiñ baiThe hue apnā apnā bhaag

kis ke dil mein dard hai kaun karega tyag

rote hain baiThe hue apna apna bhag

roz-e-azal se maut ne kuchle haiñ armān

uuñgh rahā hai niiñd meñ ab tak bhī insān

roz-e-azal se maut ne kuchle hain arman

ungh raha hai nind mein ab tak bhi insan

ruup javānī kāmnā haiñ daulat ke khel

sūkhe hue daraḳht pe chaḌhtī nahīñ ye bel

rup jawani kaamna hain daulat ke khel

sukhe hue daraKHt pe chaDhti nahin ye bel

āḳhir merā dil hai kyuuñ ab tak bhī nāshād

taḌpātī hai kyuuñ mujhe haa.e kisī kī yaad

aaKHir mera dil hai kyun ab tak bhi nashad

taDpati hai kyun mujhe hae kisi ki yaad

āḳhir merā dil hai kyuuñ ab tak bhī nāshād

taḌpātī hai kyuuñ mujhe haa.e kisī kī yaad

aaKHir mera dil hai kyun ab tak bhi nashad

taDpati hai kyun mujhe hae kisi ki yaad

sundar sundar añkhḌiyāñ komal komal haat

baste haiñ āvāz meñ koyal ke naġhmāt

sundar sundar ankhDiyan komal komal hat

baste hain aawaz mein koyal ke naghmat

lā-fānī ho jā.eñge mere sundar giit

dil par hai insān ke shā'ir kī hī jiit

la-fani ho jaenge mere sundar git

dil par hai insan ke sha'ir ki hi jit

jharne gaate haiñ sadā bedārī ke raag

duniyā meñ jo so gayā us ke phūTe bhaag

jharne gate hain sada bedari ke rag

duniya mein jo so gaya us ke phuTe bhag

kis kī zulfoñ ne merā chhīn liyā sukh-chain

ruuh pe chhā.e haiñ mirī kis ke sundar nain

kis ki zulfon ne mera chhin liya sukh-chain

ruh pe chhae hain meri kis ke sundar nain

dukh-sukh sab ke saath hai aafat sab ke saath

kis kā is sansār meñ kaun baTā.e haath

dukh-sukh sab ke sath hai aafat sab ke sath

kis ka is sansar mein kaun baTae hath

zaḳhmī hai insāniyat dukhiyā hai sansār

phir bhī is māhaul se koī nahīñ bezār

zaKHmi hai insaniyat dukhiya hai sansar

phir bhi is mahaul se koi nahin bezar

sharmātī hai kyuuñ dulhan ghūñghaT ke paT khol

gum-sum kyuuñ hai sharm se kuchh to muñh se bol

sharmati hai kyun dulhan ghunghaT ke paT khol

gum-sum kyun hai sharm se kuchh to munh se bol

sāvan kī rut aa ga.ī khile kañval ke phuul

kaliyoñ ke mukhḌe dhule uḌī chaman kī dhuul

sawan ki rut aa gai khile kanwal ke phul

kaliyon ke mukhDe dhule uDi chaman ki dhul

jharne gaate haiñ sadā bedārī ke raag

duniyā meñ jo so gayā us ke phūTe bhaag

jharne gate hain sada bedari ke rag

duniya mein jo so gaya us ke phuTe bhag