aisī tasvīr banā rote hue ḳhush bhī lagūñ

ġham kī tarsīl to ho ġham kā tamāsha na bane

aisi taswir bana rote hue KHush bhi lagun

gham ki tarsil to ho gham ka tamasha na bane

tū dekh lenā hamāre bachchoñ ke baal jaldī safed hoñge

hamārī chhoḌī huī udāsī se saat nasleñ udaas hoñgī

tu dekh lena hamare bachchon ke baal jaldi safed honge

hamari chhoDi hui udasi se sat naslen udas hongi

dekho mujhe ab merī jagah se na hilānā

phir tum mujhe tartīb se rakh kar nahīñ jaate

dekho mujhe ab meri jagah se na hilana

phir tum mujhe tartib se rakh kar nahin jate

ye jis kī beTī ke sar kī chādar ka.ī jagah se phaTī huī hai

tum us ke gaañv meñ jā ke dekho to aadhī fasleñ kapās hoñgī

ye jis ki beTi ke sar ki chadar kai jagah se phaTi hui hai

tum us ke ganw mein ja ke dekho to aadhi faslen kapas hongi