marāsim barf meñ dabne na paa.eñ

qarīb aao december aa rahā hai

marasim barf mein dabne na paen

qarib aao december aa raha hai

dard-e-dil kī intihā thī zabt TuuTā aur phir

āñsuoñ kā rang merī shā.irī meñ aa gayā

dard-e-dil ki intiha thi zabt TuTa aur phir

aansuon ka rang meri shairi mein aa gaya

duniyā meñ misl-e-tāj nihāyat hasīñ thā vo

lekin vafā kā rang utarne se peshtar

duniya mein misl-e-taj nihayat hasin tha wo

lekin wafa ka rang utarne se peshtar

kar ke tārīf vo mirī jhūTī

zahr dhīmā chaTā gayā hai mujhe

kar ke tarif wo meri jhuTi

zahr dhima chaTa gaya hai mujhe

mujh ko saphaltā baiThe biThā.e nahīñ milī

maiñ ne guhar talāshe haiñ dariyā khañgāl kar

mujh ko saphalta baiThe biThae nahin mili

main ne guhar talashe hain dariya khangal kar