ruuh bechain hai itnī ki du'ā kartā huuñ

'umr kī qaid se mil jaa.e rihā.ī mujh ko

ruh bechain hai itni ki du'a karta hun

'umr ki qaid se mil jae rihai mujh ko

gardish-e-vaqt ye kis moḌ pe laa.ī mujh ko

apnī har saañs bhī lagtī hai parā.ī mujh ko

gardish-e-waqt ye kis moD pe lai mujh ko

apni har sans bhi lagti hai parai mujh ko

ḳhizāñ kā to mausam guzar hī gayā hai

hare paat peḌoñ pe aane lage haiñ

KHizan ka to mausam guzar hi gaya hai

hare pat peDon pe aane lage hain

ye āñkheñ ye 'āriz ye lab aur gesū

inhīñ ke sabab ham Thikāne lage haiñ

ye aankhen ye 'ariz ye lab aur gesu

inhin ke sabab hum Thikane lage hain

zaḳhm gahre haiñ magar uf bhī nahīñ kar saktā

achchhī lagtī nahīñ apnoñ kī burā.ī mujh ko

zaKHm gahre hain magar uf bhi nahin kar sakta

achchhi lagti nahin apnon ki burai mujh ko