jahāñ faizān-e-ābādī bahut hai

vahāñ par bhī ghane jangal rahe the

jahan faizan-e-abaadi bahut hai

wahan par bhi ghane jangal rahe the

ye kā.enāt kī tasvīr nā-mukammal hai

abhī to is meñ bahut rang us ne bharnā hai

ye kaenat ki taswir na-mukammal hai

abhi to is mein bahut rang us ne bharna hai

mirā mizāj nahīñ hai magar mujhe 'faizān'

kisī ke vāste ik ahd se mukarnā hai

mera mizaj nahin hai magar mujhe 'faizan'

kisi ke waste ek ahd se mukarna hai

maiñ chup nahīñ huuñ kisī maslahat ke pesh-e-nazar

maiñ jāntā huuñ kahāñ iḳhtilāf karnā hai

main chup nahin hun kisi maslahat ke pesh-e-nazar

main jaanta hun kahan iKHtilaf karna hai