ye jo lahore se mohabbat hai

ye kisī aur se mohabbat hai

ye jo lahore se mohabbat hai

ye kisi aur se mohabbat hai

ai mohabbat mujh ko aisā hausla ḳhairāt kar

us ko baazū se pakaḌ kar kah sakūñ ki baat kar

ai mohabbat mujh ko aisa hausla KHairaat kar

us ko bazu se pakaD kar kah sakun ki baat kar

mujhe Thukrā diyā tū ne faqat shā.ir samajh kar aaj

mirī nazmeñ tire bachche syllabus meñ paḌheñ to phir

mujhe Thukra diya tu ne faqat shair samajh kar aaj

meri nazmen tere bachche syllabus mein paDhen to phir

jab se us kī aañkh meñ aañsū dekhe haiñ

tab se mujh ko paanī se Dar lagtā hai

jab se us ki aankh mein aansu dekhe hain

tab se mujh ko pani se Dar lagta hai

maiñ shahr meñ tanhā hī use DhūñD rahā huuñ

jo sab se chhupā.ī thī vahī chiiz gumī hai

main shahr mein tanha hi use DhunD raha hun

jo sab se chhupai thi wahi chiz gumi hai

sar par ye jo chhat kā saaya hotā hai

dīvāroñ ne bojh uThāyā hotā hai

sar par ye jo chhat ka saya hota hai

diwaron ne bojh uThaya hota hai

vo chāhtā hai mahīna kaTe na jaldī se

kirā.e-dār ke dukh bhī ajiib hote haiñ

wo chahta hai mahina kaTe na jaldi se

kirae-dar ke dukh bhi ajib hote hain

kabhī kabhī to mujhe daad itnī miltī hai

ki saare ghar kā guzāra usī se hotā hai

kabhi kabhi to mujhe dad itni milti hai

ki sare ghar ka guzara usi se hota hai

rasmoñ ko nahīñ pairoñ kī zanjīr kiyā

maiñ ne jo mahsūs kiyā tahrīr kiyā

rasmon ko nahin pairon ki zanjir kiya

main ne jo mahsus kiya tahrir kiya