piyāla zahr kā laa.e ho piine kyoñ nahīñ dete

mire marne pe ronā hai to jiine kyoñ nahīñ dete

piyala zahr ka lae ho pine kyon nahin dete

mere marne pe rona hai to jine kyon nahin dete

vasl ke do-chār lamhe roz gin gin dekhnā

rah gayā thā zindagī meñ kyā yahī din dekhnā

wasl ke do-chaar lamhe roz gin gin dekhna

rah gaya tha zindagi mein kya yahi din dekhna

ḳhvāb meñ chūmā thā tum ne aur tab se aaj tak

gher letī haiñ mujhe har gulsitāñ kī titliyāñ

KHwab mein chuma tha tum ne aur tab se aaj tak

gher leti hain mujhe har gulsitan ki titliyan

din-ba-din rog ye baḌhtā hī chalā jaatā hai

din-ba-din tū mirī buniyād huī jaatī hai

din-ba-din rog ye baDhta hi chala jata hai

din-ba-din tu meri buniyaad hui jati hai

tere kāñdhe pe mohabbat kā Tikā hai parcham

jaan be-shak na rahe haar na hone paa.e

tere kandhe pe mohabbat ka Tika hai parcham

jaan be-shak na rahe haar na hone pae

chaar dīvāreñ tamāsha dekhtī haiñ roz raat

nāchtī hai zindagī aur tāktā rahtā huuñ maiñ

chaar diwaren tamasha dekhti hain roz raat

nachti hai zindagi aur takta rahta hun main