'hilāl' aur ziyāda ho terā zor-e-qalam

ye shā.erī tirī dil kī zabān tak pahuñchī

'hilal' aur ziyaada ho tera zor-e-qalam

ye shaeri teri dil ki zaban tak pahunchi

maujūd mere dil meñ jo zaḳhmoñ ke daaġh haiñ

vo ek bevafā ke sitam ke charāġh haiñ

maujud mere dil mein jo zaKHmon ke dagh hain

wo ek bewafa ke sitam ke charagh hain

maza to jab hai ki dil kā añdherā miT jaa.e

gharoñ meñ laakh charāġhāñ kiyā kare koī

maza to jab hai ki dil ka andhera miT jae

gharon mein lakh charaghan kiya kare koi

mire nikāh se pahle ye baat likh denā

tum apne mehr meñ merī hayāt likh denā

mere nikah se pahle ye baat likh dena

tum apne mehr mein meri hayat likh dena

tum ne jo mere dil ko pareshān kiyā hai

ye ghar to tumhārā thā jo vīrān kiyā hai

tum ne jo mere dil ko pareshan kiya hai

ye ghar to tumhaara tha jo viran kiya hai