suḳhan ke saare salīqe zabāñ meñ rakhtā hai

nahīñ kā aks nihāñ apnī haañ meñ rakkhā hai

suKHan ke sare saliqe zaban mein rakhta hai

nahin ka aks nihan apni han mein rakkha hai

lekin kalām kījiye mujh se adab ke saath

naukar huuñ koī aap kā shauhar nahīñ huuñ maiñ

lekin kalam kijiye mujh se adab ke sath

naukar hun koi aap ka shauhar nahin hun main

vo degrē kī bajā.e mam le kar lauT aayā hai

milā thā dāḳhila jis ko samundar-pār college meñ

wo degree ki bajae mam le kar lauT aaya hai

mila tha daKHila jis ko samundar-par college mein

mirā matlab mahīne tak nahāne kī na ho fursat

to phir hafte ke hafte haath muñh dhonā zarūrī hai

mera matlab mahine tak nahane ki na ho fursat

to phir hafte ke hafte hath munh dhona zaruri hai

tamām umr gañvā dī jise bhulāne meñ

vo nisf maazī kā qissa thā nisf haal kā thā

tamam umr ganwa di jise bhulane mein

wo nisf mazi ka qissa tha nisf haal ka tha

paise na the ilaaj ke gar terī jeb meñ

phir ye batā huā hai tū bīmār kis liye

paise na the ilaj ke gar teri jeb mein

phir ye bata hua hai tu bimar kis liye

tab tak tū bharī bazm meñ lagtā hai muazzaz

jab tak ki ġhazal us ne sunā.ī nahīñ hotī

tab tak tu bhari bazm mein lagta hai muazzaz

jab tak ki ghazal us ne sunai nahin hoti

kuchh aise bhī paḌhākū panchhiyoñ ko ham ne dekhā hai

ki par daftar meñ panje shahr meñ minqār college meñ

kuchh aise bhi paDhaku panchhiyon ko hum ne dekha hai

ki par daftar mein panje shahr mein minqar college mein

mujhe Dar hai ki ham donoñ kahīñ samdhī na ban jaa.eñ

tirī gulnār college meñ mirā gulzār college meñ

mujhe Dar hai ki hum donon kahin samdhi na ban jaen

teri gulnar college mein mera gulzar college mein

mohabbat kā mazā hotā hai shādī ke irāde tak

phir is ke baa'd jo hotā hai sab be-kār hotā hai

mohabbat ka maza hota hai shadi ke irade tak

phir is ke ba'd jo hota hai sab be-kar hota hai

dūlhā aur dulhan kī umreñ pūchhīñ to ma.alūm huā

pachpan saal kī laḌkī hai aur saaTh baras kā laḌkā hai

dulha aur dulhan ki umren puchhin to malum hua

pachpan sal ki laDki hai aur saTh baras ka laDka hai