Jamal Panipati's Photo'

Jamal Panipati

1927 - 2005 | Karachi, Pakistan

diyā bujhā phir jal jaa.e aur rut bhī palTā khaa.e

phir jo haath se jaa.e samay vo kabhī na lauT ke aa.e

diya bujha phir jal jae aur rut bhi palTa khae

phir jo hath se jae samay wo kabhi na lauT ke aae

motī mūñge kañkar patthar bache na koī bhaa.ī

samay chakkī sab ko piise kyā parbat kyā raa.ī

moti munge kankar patthar bache na koi bhai

samay ki chakki sab ko pise kya parbat kya rai

kaise kaise viir sūrmā jag meñ jin maan

jag se jiite samay se haare samay baḌā balvān

kaise kaise wir surma jag mein jin ka man

jag se jite samay se haare samay baDa balwan

samay ke saare khel haiñ pyāre kah ga.e jagat 'kabīr'

aap hañsā.e aap rulā.e aap bañdhā.e dhiir

samay ke sare khel hain pyare kah gae jagat 'kabir'

aap hansae aap rulae aap bandhae dhir

samay rachnā samay pher aur samay ke sab bahrūp

kyā añdhiyāre kyā ujiyāle kyā chhāñv kyā dhuup

samay ki rachna samay ka pher aur samay ke sab bahrup

kya andhiyare kya ujiyale kya chhanw kya dhup

sadā na ujlā din rahe aur sadā na kaalī rain

rañg badaltā jaa.e samay aur Tuk-Tuk dekheñ nain

sada na ujla din hi rahe aur sada na kali rain

rang badalta jae samay aur Tuk-Tuk dekhen nain