ajab shā.er kī aadat hai ki jab biiḌī jalāne ko

kisī se māñgī māchis to jalā kar jeb meñ rakh lī

ajab shaer ki aadat hai ki jab biDi jalane ko

kisi se mangi machis to jala kar jeb mein rakh li

zarūrat bhūkī jantā ko faqat ration kī hai lekin

diyā karte haiñ bhāshan hī sar-e-bāzār murġhī ke

zarurat bhuki janta ko faqat ration ki hai lekin

diya karte hain bhashan hi sar-e-bazar murghi ke

ġharībī kyā miTā.eñge ġharīboñ ko miTā deñge

kiyā karte haiñ kaale dhan kā ḳhud byopār murġhī ke

gharibi kya miTaenge gharibon ko miTa denge

kiya karte hain kale dhan ka KHud byopar murghi ke

begam haiñ ki dozaḳh kā lahaktā huā sho.ala

jab sāmnā hotā hai mujhe pyaas lage hai

begam hain ki dozaKH ka lahakta hua shoala

jab samna hota hai mujhe pyas lage hai

aa.e haiñ bāda-ḳhāne meñ kuchh maulvī bhī aaj

vo bhī uThā.eñ jaam abhī zer-e-ġhaur hai

aae hain baada-KHane mein kuchh maulwi bhi aaj

wo bhi uThaen jam abhi zer-e-ghaur hai

kiyā karte haiñ vā'de to hazāroñ vote se pahle

magar lagte haiñ karne baa'd meñ inkār murġhī ke

kiya karte hain wa'de to hazaron wote se pahle

magar lagte hain karne ba'd mein inkar murghi ke

janāb-e-shaiḳh ko dekhā hai us mahalle meñ

jahāñ sharāb nazar se pilā.ī jaatī hai

janab-e-shaiKH ko dekha hai us mahalle mein

jahan sharab nazar se pilai jati hai

ġhairoñ ko jo aurat baḌī ḳhannās lage hai

begam kī are maañ hai mirī saas lage hai

ghairon ko jo aurat baDi KHannas lage hai

begam ki are man hai meri sas lage hai

sunnī hai ek ek vahābī hai kaun ho

masjid kā pesh-imām abhī zer-e-ġhaur hai

sunni hai ek ek wahabi hai kaun ho

masjid ka pesh-imam abhi zer-e-ghaur hai

murġhī hai agar ghar kī to hai daal barābar

haañ daal bhī bāhar kī anannās lage hai

murghi hai agar ghar ki to hai dal barabar

han dal bhi bahar ki anannas lage hai

amīr-e-shahr ke kuttoñ ke tez dāñtoñ se

ġharīb-e-shahr kī haDDī chabā.ī jaatī hai

amir-e-shahr ke kutton ke tez danton se

gharib-e-shahr ki haDDi chabai jati hai

apnī tanḳhvāh bhī ho der se milne vaalī

aur sāmān bhī kam ho to ġhazal hotī hai

apni tanKHwah bhi ho der se milne wali

aur saman bhi kam ho to ghazal hoti hai

shā'ir hamāre desh ke kāñdhoñ pe bojh haiñ

kyā leñ ham in se kaam abhī zer-e-ġhaur hai

sha'ir hamare desh ke kandhon pe bojh hain

kya len hum in se kaam abhi zer-e-ghaur hai