aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER
noImage

Javed Lakhnvi

Lucknow, India

Sher of Javed Lakhnvi

274
Favorite

SORT BY

kahīñ aisā na ho mar jā.ūñ maiñ hasrat hasrat meñ

jo lenā ho to le lo sab se pahle imtihāñ merā

kahin aisa na ho mar jaun main hasrat hi hasrat mein

jo lena ho to le lo sab se pahle imtihan mera

shab-e-vasl kyā jaane kyā yaad aayā

vo kuchh aap aap sharmā rahe haiñ

shab-e-wasl kya jaane kya yaad aaya

wo kuchh aap hi aap sharma rahe hain

tumheñ hai nashsha javānī ham meñ ġhaflat-e-ishq

na iḳhtiyār meñ tum ho na iḳhtiyār meñ ham

tumhein hai nashsha jawani ka hum mein ghaflat-e-ishq

na iKHtiyar mein tum ho na iKHtiyar mein hum

ye ik bose pe itnī bahs ye zebā nahīñ tum ko

nahīñ hai yaad mujh ko ḳhair achchhā le liyā hogā

ye ek bose pe itni bahs ye zeba nahin tum ko

nahin hai yaad mujh ko KHair achchha le liya hoga

tum paas jo aa.e kho ga.e ham

jab tum na mile to justujū

tum pas jo aae kho gae hum

jab tum na mile to justuju ki

sab ḳhat tamām kar chuke paḌh paḌh ke shauq se

vaañ tham ga.e jahāñ pe mirā naam aa gayā

sab KHat tamam kar chuke paDh paDh ke shauq se

wan tham gae jahan pe mera nam aa gaya

tum diye jaao yūñhī ham ko havā dāman

ham se behosh nahīñ hosh meñ aane vaale

tum diye jao yunhi hum ko hawa daman ki

hum se behosh nahin hosh mein aane wale

sūrat na yuuñ dikhā.e unheñ baar baar chāñd

paidā kare hasīnoñ meñ kuchh e'tibār chāñd

surat na yun dikhae unhen bar bar chand

paida kare hasinon mein kuchh e'tibar chand

ḳhaak uḌ ke hamārī tire kūche meñ pahuñchtī

taqdīr thī ye bhī ki havā bhī na chalī aaj

KHak uD ke hamari tere kuche mein pahunchti

taqdir thi ye bhi ki hawa bhi na chali aaj

un ko to sahl hai vo ġhair ke ghar jā.eñge

ham jo us dar se uTheñge to kidhar jā.eñge

un ko to sahl hai wo ghair ke ghar jaenge

hum jo us dar se uThenge to kidhar jaenge

hai diloñ vahī jo dāna-e-tasbīh haal

yuuñ mile haiñ pa haiñ dar-asl judā ek se ek

hai dilon ka wahi jo dana-e-tasbih ka haal

yun mile hain pa hain dar-asl juda ek se ek

ummīd burā ho samjhā ki aap aa.e

be-vaj.h shab ko hil kar zanjīr-e-dar ne maarā

ummid ka bura ho samjha ki aap aae

be-wajh shab ko hil kar zanjir-e-dar ne mara

jis jagah jaa.eñ banā leñ tire vahshī sahrā

ḳhaak le aa.e haiñ muTThī meñ bayābānoñ

jis jagah jaen bana len tere wahshi sahra

KHak le aae hain muTThi mein bayabanon ki

abhī to aag siine meñ kahīñ kam hai kahīñ zaa.id

agar mil pā.eñge aapas meñ sab chhāle to kyā hogā

abhi to aag sine mein kahin kam hai kahin zaid

agar mil paenge aapas mein sab chhaale to kya hoga

Recitation

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now