noImage

Kamil Akhtar

manzaroñ bhiiḌ aisī to kabhī dekhī na thī

gaañv achchhā thā magar us meñ koī laḌkī na thī

manzaron ki bhiD aisi to kabhi dekhi na thi

ganw achchha tha magar us mein koi laDki na thi

aksar isī ḳhayāl ne māyūs kar diyā

shāyad tamām umr yuuñ kāTnī paḌe

aksar isi KHayal ne mayus kar diya

shayad tamam umr yun hi kaTni paDe

lamhoñ ke taar khīñchtā rahtā thā raat din

ik shaḳhs le gayā mirī sadiyāñ sameT ke

lamhon ke tar khinchta rahta tha raat din

ek shaKHs le gaya meri sadiyan sameT ke

umr bhar yaad rahā apnī vafāoñ tarah

ek vo ahd jise aap ne puurā na kiyā

umr bhar yaad raha apni wafaon ki tarah

ek wo ahd jise aap ne pura na kiya

ab to har vaqt vahī itnā rulātā hai mujhe

jis ko jaate hue maiñ dekh ke ro bhī na sakā

ab to har waqt wahi itna rulata hai mujhe

jis ko jate hue main dekh ke ro bhi na saka

rutoñ ke rañg badalte hue bhī banjar hai

vo ek ḳhaas ilāqa jo dil ke andar hai

ruton ke rang badalte hue bhi banjar hai

wo ek KHas ilaqa jo dil ke andar hai