ab na vo ahbāb zinda haiñ na rasm-ul-ḳhat vahāñ

ruuTh kar urdu to dehlī se dakan meñ aa ga.ī

ab na wo ahbab zinda hain na rasm-ul-KHat wahan

ruTh kar urdu to dehli se dakan mein aa gai

ek bosa hoñT par phailā tabassum ban gayā

jo harārat thī mirī us ke badan meñ aa ga.ī

ek bosa honT par phaila tabassum ban gaya

jo hararat thi meri us ke badan mein aa gai

merī āvāz ko āvāz ne taqsīm kiyā

radio meñ huuñ telephone ke andar huuñ maiñ

meri aawaz ko aawaz ne taqsim kiya

radio mein hun telephone ke andar hun main

saañs lene bhī na paayā thā ki manzar gum huā

maiñ kisī qābil na thā varna Thahartā aur kuchh

sans lene bhi na paya tha ki manzar gum hua

main kisi qabil na tha warna Thaharta aur kuchh

shā.irī meñ anfus-o-āfāq mub.ham haiñ abhī

isti.āra hī haqīqat meñ ḳhudā sā ḳhvāb hai

shairi mein anfus-o-afaq mubham hain abhi

istiara hi haqiqat mein KHuda sa KHwab hai