pahle honā thā aa.ina dil ko

aur phir chūr-chūr honā thā

pahle hona tha aaina dil ko

aur phir chur-chur hona tha

terī tarah zabān ke kuchh tez ham bhī haiñ

par mas.ala ye hai ki adab jānte haiñ ham

teri tarah zaban ke kuchh tez hum bhi hain

par masala ye hai ki adab jaante hain hum

chalo maanā ki ḳhvāboñ meñ miloge

magar tum bin kise niiñd aa rahī hai

chalo mana ki KHwabon mein miloge

magar tum bin kise nind aa rahi hai

shāyad vo is binā pe hameñ baḳhsh de ki ham

kāfir bane rahe pa munāfiq nahīñ hue

shayad wo is bina pe hamein baKHsh de ki hum

kafir bane rahe pa munafiq nahin hue

ye intihā-e-kār-e-numū hai ki jān-e-jāñ

us ne tire badan sī koī chiiz ḳhalq kī

ye intiha-e-kar-e-numu hai ki jaan-e-jaan

us ne tere badan si koi chiz KHalq ki

sayyārgāñ meñ 'ajab iztirāb barpā hai

vo ban-sañvar ke sar-e-bām aa rahe hoñge

sayyargan mein 'ajab iztirab barpa hai

wo ban-sanwar ke sar-e-baam aa rahe honge

us ke siyāh nain kī jā kar nazar utaar

maare hasad ke chuur huiiñ surma-dāniyāñ

us ke siyah nain ki ja kar nazar utar

mare hasad ke chur huin surma-daniyan

log merī ġhazloñ meñ tum ko DhūñD lete haiñ

she'r-o-shā'irī kab hai dāstāñ tumhārī hai

log meri ghazlon mein tum ko DhunD lete hain

she'r-o-sha'iri kab hai dastan tumhaari hai

mash.hūr ho chukī hai kisī ke laboñ kī baat

aḳhbār-e-dil-barāñ kī sabhī surḳhiyāñ paḌho

mashhur ho chuki hai kisi ke labon ki baat

aKHbar-e-dil-baran ki sabhi surKHiyan paDho