apnā lahū yatīm thā koī na rañg lā sakā

munsif sabhī ḳhamosh the uzr-e-jafā ke sāmne

apna lahu yatim tha koi na rang la saka

munsif sabhi KHamosh the uzr-e-jafa ke samne

harf ko barg-e-navā detā huuñ

yuuñ mire paas hunar kuchh bhī nahīñ

harf ko barg-e-nawa deta hun

yun mere pas hunar kuchh bhi nahin

hudūd-e-shahr se bāhar bhī bastiyāñ phailīñ

simaT ke rah ga.e yuuñ jañgaloñ ke ghere bhī

hudud-e-shahr se bahar bhi bastiyan phailin

simaT ke rah gae yun jangalon ke ghere bhi

parind shāḳh pe tanhā udaas baiThā hai

uḌaan bhuul gayā muddatoñ kī bandish meñ

parind shaKH pe tanha udas baiTha hai

uDan bhul gaya muddaton ki bandish mein

tirī nigāh to ḳhush-manzarī pe rahtī hai

terī pasand ke manzar kahāñ se lā.ūñ maiñ

teri nigah to KHush-manzari pe rahti hai

teri pasand ke manzar kahan se laun main