pūchh lenā thā miloge yā nahīñ

zindagī ab apnī thoḌī rah ga.ī

puchh lena tha miloge ya nahin

zindagi ab apni thoDi rah gai

sab se pahle ek va.adā kījiye

dil ke taḌpāne se taubā kījiye

sab se pahle ek wada kijiye

dil ke taDpane se tauba kijiye

ThanDī havā hai aur ghaTā hai ghirī huī

saaqī tirā bhalā ho bujhā de lagī huī

ThanDi hawa hai aur ghaTa hai ghiri hui

saqi tera bhala ho bujha de lagi hui

uñgliyāñ uThne lagī haiñ bazm meñ

yuuñ mirī jānib na dekhā kījiye

ungliyan uThne lagi hain bazm mein

yun meri jaanib na dekha kijiye

zindagī pur-kaif bantī hai yūñhī

kījiye ḳhūn-e-tamannā kījiye

zindagi pur-kaif banti hai yunhi

kijiye KHun-e-tamanna kijiye