noImage

Lala Kanji Mal Saba

1792

nāseh nasīhateñ ye kahāñ yaad rahtī haiñ

hazrat abhī kisī se tabī.at lagī nahīñ

naseh nasihaten ye kahan yaad rahti hain

hazrat abhi kisi se tabiat lagi nahin

'sabā' ham ne to hargiz kuchh na dekhā jazb-e-ulfat meñ

ġhalat ye baat kahte haiñ ki dil ko raah hai dil se

'saba' hum ne to hargiz kuchh na dekha jazb-e-ulfat mein

ghalat ye baat kahte hain ki dil ko rah hai dil se

nahīñ ma.alūm ai yaaro 'sabā' ke dil meñ kyā aayā

abhī jo baiThe baiThe vo yakāyak aah kar uTThā

nahin malum ai yaro 'saba' ke dil mein kya aaya

abhi jo baiThe baiThe wo yakayak aah kar uTTha

bhaTkā phire hai majnūñ lailā ke qāfile meñ

ye pūchhtā ki yaaro mahmil kidhar gayā hai

bhaTka phire hai majnun laila ke qafile mein

ye puchhta ki yaro mahmil kidhar gaya hai