beTiyāñ sab ke muqaddar meñ kahāñ hotī haiñ

ghar ḳhudā ko jo pasand aa.e vahāñ hotī haiñ

beTiyan sab ke muqaddar mein kahan hoti hain

ghar KHuda ko jo pasand aae wahan hoti hain

ik tirā hijr jo bāloñ meñ safedī laayā

ik tirā shauq jo siine meñ javāñ rahtā hai

ek tera hijr jo baalon mein safedi laya

ek tera shauq jo sine mein jawan rahta hai

maiñ nahīñ māntā kāġhaz pe likhā shajra-e-nasab

baat karne se qabīle kā pata chaltā hai

main nahin manta kaghaz pe likha shajra-e-nasab

baat karne se qabile ka pata chalta hai

us kī bastī se pahle qabristān

āshiqoñ ke liye ishāra thā

us ki basti se pahle qabristan

aashiqon ke liye ishaara tha

bārah ghanToñ kī hai ik raat jo Taltī hī nahīñ

hijr bhī ain december meñ milā hai mujh ko

barah ghanTon ki hai ek raat jo Talti hi nahin

hijr bhi ain december mein mila hai mujh ko