hayāt-e-ḳhizr de yārab mire tahammul ko

shab-e-firāq agar muḳhtasar nahīñ na sahī

hayat-e-KHizr de yarab mere tahammul ko

shab-e-firaq agar muKHtasar nahin na sahi

na sirf dair-o-haram balki chaḌh ke daar pe bhī

tire pukārne vaale tujhe pukār ga.e

na sirf dair-o-haram balki chaDh ke dar pe bhi

tere pukarne wale tujhe pukar gae

jahāñ pahuñch ke tumheñ bhūlnā munāsib thā

rah-e-hayāt meñ aise bhī kuchh maqām aa.e

jahan pahunch ke tumhein bhulna munasib tha

rah-e-hayat mein aise bhi kuchh maqam aae

shāyad isī kā naam jumūd-e-hayāt hai

ahl-e-hunar ko fursat-e-kasb-e-hunar nahīñ

shayad isi ka nam jumud-e-hayat hai

ahl-e-hunar ko fursat-e-kasb-e-hunar nahin