ḳhvāb jab se ik hasīna ke nazar aane lage

maulvī sāhab bhī beauty parlour jaane lage

KHwab jab se ek hasina ke nazar aane lage

maulwi sahab bhi beauty parlour jaane lage

kahāñ hai tāb-o-tāqat jis pe tum ko naaz rahtā thā

javānī par na tum 'masrūr' itrāte to achchhā thā

kahan hai tab-o-taqat jis pe tum ko naz rahta tha

jawani par na tum 'masrur' itraate to achchha tha

muft kī pī kar kahī thī ek din ham ne ġhazal

sher uTh uTh kar chachā ġhālib se Takrāne lage

muft ki pi kar kahi thi ek din hum ne ghazal

sher uTh uTh kar chacha ghaalib se Takrane lage

marhūm shā'iroñ kā jo mil jaa.e kuchh kalām

sarqe kā le ke jaam chalo shā'irī kareñ

marhum sha'iron ka jo mil jae kuchh kalam

sarqe ka le ke jam chalo sha'iri karen

miyāñ 'masrūr' rahiyegā sañbhal kar

raqīboñ kī zamānat ho ga.ī hai

miyan 'masrur' rahiyega sanbhal kar

raqibon ki zamanat ho gai hai

un kī ammī ho chalīñ thiiñ rafta rafta ham-ḳhayāl

haañ magar abbā kā un ke varġhalānā yaad hai

un ki ammi ho chalin thin rafta rafta ham-KHayal

han magar abba ka un ke warghalana yaad hai

ga.e the bālTī bharne pe un se ishq kar baiThe

ghaḌe apne kisī masjid se bhar laate to achchhā thā

gae the baalTi bharne pe un se ishq kar baiThe

ghaDe apne kisi masjid se bhar late to achchha tha

Dhang kī mil jaa.e gar koī zamīn

duur tak phir pair phailātā huuñ maiñ

Dhang ki mil jae gar koi zamin

dur tak phir pair phailata hun main

commission par commission khā rahe haiñ desh ke leader

vo bandar-bāñT sarkārī jo pahle thī so ab bhī hai

commission par commission kha rahe hain desh ke leader

wo bandar-banT sarkari jo pahle thi so ab bhi hai

ek bosa de ke vo bole maza aayā nahīñ

ek bose meñ rumūz-e-ishq khul jā.eñge kyā

ek bosa de ke wo bole maza aaya nahin

ek bose mein rumuz-e-ishq khul jaenge kya

hijr meñ bigḌī hai apnī shakl yuuñ

dekh kar ā.īna Dar jaatā huuñ maiñ

hijr mein bigDi hai apni shakl yun

dekh kar aaina Dar jata hun main

the pahle kārvāñ ḳhatre meñ ab haiñ rail meñ Daake

safar karne meñ dushvārī jo pahle thī so ab bhī hai

the pahle karwan KHatre mein ab hain rail mein Dake

safar karne mein dushwari jo pahle thi so ab bhi hai

is buḌhāpe meñ lagāyā hai unhoñ ne surmā

baaz aate nahīñ vo ab bhī sitam Dhāne se

is buDhape mein lagaya hai unhon ne surma

baz aate nahin wo ab bhi sitam Dhane se

javānī un ko ghar meñ chain se rahne nahīñ detī

miyāñ 'masrūr' hī mujrim magar Thahrā.e jaate haiñ

jawani un ko ghar mein chain se rahne nahin deti

miyan 'masrur' hi mujrim magar Thahrae jate hain

vo na jaage ki zarā jāgtī taqdīr mirī

aur sab jaag uThe khaaT ke sarkāne se

wo na jage ki zara jagti taqdir meri

aur sab jag uThe khaT ke sarkane se

hamāre shaiḳh jī phir se shifā-ḳhāne meñ dāḳhil haiñ

bahut aḳhlāq ke qaa.il hue haiñ ek sister ke

hamare shaiKH ji phir se shifa-KHane mein daKHil hain

bahut aKHlaq ke qail hue hain ek sister ke

sasurāl meñ bhī daal kā galnā muhāl hai

saale haiñ be-lagām chalo shā'irī kareñ

sasural mein bhi dal ka galna muhaal hai

sale hain be-lagam chalo sha'iri karen

ek bose ke liye itnā hameñ dauḌā.eñge

kyā ḳhabar thī vo qutub-mīnār par chaḌh jā.eñge

ek bose ke liye itna hamein dauDaenge

kya KHabar thi wo qutub-minar par chaDh jaenge

sab meat mutton ġhā.eb parhez pe la.anat ho

jab dekhiye chaulā.ī lā-haul valā quvvat

sab meat mutton ghaeb parhez pe lanat ho

jab dekhiye chaulai la-haul wala quwwat

ham ko ġham-e-furqat meñ do din hī buḳhār aaya

kyā shakl nikal aa.ī lā-haul valā quvvat

hum ko gham-e-furqat mein do din hi buKHar aaya

kya shakl nikal aai la-haul wala quwwat

kahā thā doctor ne bach ke rahnā ḳhush-ḳhurākī se

magar tauba vo baiThe haiñ to ab tak khaa.e jaate haiñ

kaha tha doctor ne bach ke rahna KHush-KHuraki se

magar tauba wo baiThe hain to ab tak khae jate hain

phir se vo yogā kī varzish kar rahe haiñ baam par

phir se laTh apne mohalle meñ vo chalvā.eñge kyā

phir se wo yoga ki warzish kar rahe hain baam par

phir se laTh apne mohalle mein wo chalwaenge kya

bahāne-bāz haiñ makkār haiñ jhūTe haiñ shātir haiñ

mile haiñ ab kahīñ jā kar unheñ ushshāq Takkar ke

bahane-baz hain makkar hain jhuTe hain shatir hain

mile hain ab kahin ja kar unhen ushshaq Takkar ke

tiin din tak ḳhauf ke maare chhupe the jis jagah

us jagah banñe ko thā ik ġhusl-ḳhāna yaad hai

tin din tak KHauf ke mare chhupe the jis jagah

us jagah banne ko tha ek ghusl-KHana yaad hai