tujhe itnā to dekhā bhī nahīñ hai

tujhe ham yaad jitnā kar rahe haiñ

tujhe itna to dekha bhi nahin hai

tujhe hum yaad jitna kar rahe hain

chun liyā hai tumheñ mirā mahbūb

dūsrā koī intiḳhāb nahīñ

chun liya hai tumhein mera mahbub

dusra koi intiKHab nahin

kyā kareñ boltī in āñkhoñ kā

haal dil kā chhupā nahīñ sakte

kya karen bolti in aankhon ka

haal dil ka chhupa nahin sakte

vasl ke din gine haiñ unglī par

hijr kā koī bhī hisāb nahīñ

wasl ke din gine hain ungli par

hijr ka koi bhi hisab nahin

mar ga.ī band lifāfe meñ mohabbat merī

sirf usī ne na paḌhe jis ko paḌhāne the ḳhat

mar gai band lifafe mein mohabbat meri

sirf usi ne na paDhe jis ko paDhane the KHat

hijr kā dukh nahīñ rahā hameñ ab

hai ye dukh ab koī azaab nahīñ

hijr ka dukh nahin raha hamein ab

hai ye dukh ab koi azab nahin