chhoḌā nahīñ hai aaj bhī masrūfiyāt ne

itvār lag rahā hai mujhe piir kī tarah

chhoDa nahin hai aaj bhi masrufiyat ne

itwar lag raha hai mujhe pir ki tarah

mujh ko diin thamāyā lekin

ḳhud us ne chamkā lī duniyā

mujh ko din thamaya lekin

KHud us ne chamka li duniya

burā lagtā hai kyuuñ shikva hamārā

nahīñ shāyad koī rishta hamārā

bura lagta hai kyun shikwa hamara

nahin shayad koi rishta hamara

'razā' vo ġham bhī hameñ Thiik se nahīñ detā

ham apnī saarī ḳhushī jis ke naam karte haiñ

'raza' wo gham bhi hamein Thik se nahin deta

hum apni sari KHushi jis ke nam karte hain

jis ko māñgā thā 'umr bhar ke liye

vo mujhe 'umr bhar milā hī nahīñ

jis ko manga tha 'umr bhar ke liye

wo mujhe 'umr bhar mila hi nahin

ab aur himmat nahīñ hai ham meñ tumhārī chāloñ se thak chuke haiñ

yaqīn tum par zarā bhī hotā to phir se yaarī zarūr karte

ab aur himmat nahin hai hum mein tumhaari chaalon se thak chuke hain

yaqin tum par zara bhi hota to phir se yari zarur karte

lāpata huuñ maiñ jis kī chāhat meñ

mujh ko us kā pata pata hī nahīñ

lapata hun main jis ki chahat mein

mujh ko us ka pata pata hi nahin

tab se ye dhuup mere muqaddar meñ aa ga.ī

saaya jab ek peḌ kā sar se chalā gayā

tab se ye dhup mere muqaddar mein aa gai

saya jab ek peD ka sar se chala gaya

bahāna muskurāne kā talāsho

rulāne ke liye duniyā paḌī hai

bahana muskurane ka talasho

rulane ke liye duniya paDi hai

phir na rishta koī aayā ho javāñ beTī kā

ghar meñ aate hue mehmān se Dar lagtā hai

phir na rishta koi aaya ho jawan beTi ka

ghar mein aate hue mehman se Dar lagta hai

gayā jo mandir to phir na masjid kī chhat pe baiThā

mizāj logoñ ke ik parinde meñ aa gaye the

gaya jo mandir to phir na masjid ki chhat pe baiTha

mizaj logon ke ek parinde mein aa gaye the

tavā.if mar ga.ī fāqa-kashī se

nagar saarā namāzī ho chukā thā

tawaif mar gai faqa-kashi se

nagar sara namazi ho chuka tha

hameñ bhī fāqa-kashī ne kāfir banā diyā hai

ḳhayāl roTī ke aaj sajde meñ aa gaye the

hamein bhi faqa-kashi ne kafir bana diya hai

KHayal roTi ke aaj sajde mein aa gaye the

mujh ko kāfir banā ke chhoḌeñgī

aap jaisoñ kī maz.habī bāteñ

mujh ko kafir bana ke chhoDengi

aap jaison ki mazhabi baaten