ab bach ke kahāñ jaa.e har ik samt hai dīvār

biivī mire pīchhe hai to bachcha mire aage

ab bach ke kahan jae har ek samt hai diwar

biwi mere pichhe hai to bachcha mere aage

das bachchoñ ke abbā haiñ magar hai yahī ḳhvāhish

har vaqt hī baiThī rahe lailā mire aage

das bachchon ke abba hain magar hai yahi KHwahish

har waqt hi baiThi rahe laila mere aage

kisī ko de ke ''vote'' apnā navā-sañj-e-fuġhāñ kyuuñ ho?

jo sar ḳhālī ho ''bheje'' se to phir muñh meñ zabān kyuuñ ho?

kisi ko de ke wote apna nawa-sanj-e-fughan kyun ho?

jo sar KHali ho bheje se to phir munh mein zaban kyun ho?

hai bajā kaam kī chorī meñ to mash.hūr haiñ ham

peT rishvat se jo bharte haiñ to majbūr haiñ ham

hai baja kaam ki chori mein to mashhur hain hum

peT rishwat se jo bharte hain to majbur hain hum

''qafas meñ mujh se rūdād-e-chaman kahte na Dar hamdam''

chalā hai jis pe ''bulldozer'' vo merā hī makāñ kyuuñ ho?

qafas mein mujh se rudad-e-chaman kahte na Dar hamdam

chala hai jis pe bulldozer wo mera hi makan kyun ho?

'nazar' ne un ko jab dekhā to daddy saath the un ke

hamāre darmiyāñ har vaqt vo pīr-e-muġhāñ kyuuñ ho?

'nazar' ne un ko jab dekha to daddy sath the un ke

hamare darmiyan har waqt wo pir-e-mughan kyun ho?