nazar-andāz karnā to bahut āsān hai lekin

nazar-andāz hone se bahut taklīf hotī hai

nazar-andaz karna to bahut aasan hai lekin

nazar-andaz hone se bahut taklif hoti hai

un ko mahsūs kyoñ nahīñ hotā

dil taḌaptā hai itnī shiddat se

un ko mahsus kyon nahin hota

dil taDapta hai itni shiddat se

pahle apne the ab parā.e haiñ

lafz nārāz ho ga.e mujh se

pahle apne the ab parae hain

lafz naraaz ho gae mujh se

jaise hiire kī kaan hotī hai

vaise alfāz kaan ke gauhar

jaise hire ki kan hoti hai

waise alfaz kan ke gauhar

aane vaalī ruto sabz rakhnā qabā

ġhuncha-e-dil ḳhizāñ se pareshān hai

aane wali ruto sabz rakhna qaba

ghuncha-e-dil KHizan se pareshan hai

guzartā jā rahā hai vaqt juuñ juuñ

rag-e-jāñ meñ utarte jā rahe ho

guzarta ja raha hai waqt jun jun

rag-e-jaan mein utarte ja rahe ho

use kaho ki natīja koī na niklegā

use kaho ki mohabbat kā imtihān na le

use kaho ki natija koi na niklega

use kaho ki mohabbat ka imtihan na le

nuqta-e-injimād ko pahuñchā

mausam-e-hijr dard-e-tanhā.ī

nuqta-e-injimad ko pahuncha

mausam-e-hijr dard-e-tanhai

use kaho ki akārat gayā hai samjhānā

use kaho ki taḌaptā hai dil ḳhamoshī se

use kaho ki akarat gaya hai samjhana

use kaho ki taDapta hai dil KHamoshi se