na hogā rā.egāñ ḳhūn-e-shahīdān-e-vatan hargiz

yahī surḳhī banegī ek din unvān-e-āzādī

na hoga raegan KHun-e-shahidan-e-watan hargiz

yahi surKHi banegi ek din unwan-e-azadi

ḳhudā ai kaash 'nāzish' jīte-jī vo vaqt bhī laa.e

ki jab hindostān kahlā.egā hindostān-e-āzādī

KHuda ai kash 'nazish' jite-ji wo waqt bhi lae

ki jab hindostan kahlaega hindostan-e-azadi

javāno nazr de do apne ḳhūn-e-dil kā har qatra

likhā jā.egā hindostān ko farmān-e-āzādī

jawano nazr de do apne KHun-e-dil ka har qatra

likha jaega hindostan ko farman-e-azadi

tah bah tah jamtī chalī jaatī hai sannāToñ kī gard

hāl-e-dil sab dekhte haiñ pūchhtā koī nahīñ

tah bah tah jamti chali jati hai sannaTon ki gard

haal-e-dil sab dekhte hain puchhta koi nahin

guzar ga.e haiñ vo lamhe bhī ishq meñ ai dost

tire baġhair bhī jab ḳhush rahe haiñ dīvāne

guzar gae hain wo lamhe bhi ishq mein ai dost

tere baghair bhi jab KHush rahe hain diwane

suno na merī shikasta-e-dilī ke afsāne

ki mere sāmne toḌe ga.e haiñ paimāne

suno na meri shikasta-e-dili ke afsane

ki mere samne toDe gae hain paimane