mujh se ḳhalā meñ baat bhī karnā nahīñ rafīq

aise ḳhalā meñ baat bhī karnā hai ik gunāh

mujh se KHala mein baat bhi karna nahin rafiq

aise KHala mein baat bhi karna hai ek gunah

apnī talab meñ shauq se jagte haiñ rāt-bhar

ham ko kisī ke ishq kā maarā na jāniye

apni talab mein shauq se jagte hain raat-bhar

hum ko kisi ke ishq ka mara na jaaniye

cigarette se jā ke duur girā ḳhaak ho gayā

aaya sharar kī shakl meñ soz-e-nihāñ kā dard

cigarette se ja ke dur gira KHak ho gaya

aaya sharar ki shakl mein soz-e-nihan ka dard

sajda huā hamesha faqīroñ ke ilm par

ham āgahī pe marte haiñ poshāk par nahīñ

sajda hua hamesha faqiron ke ilm par

hum aagahi pe marte hain poshak par nahin

jaate nahīñ haiñ aur kahīñ phāñkne ko dhuul

sahrā hamāre ghar kā hai mehmān in dinoñ

jate nahin hain aur kahin phankne ko dhul

sahra hamare ghar ka hai mehman in dinon

na jaane kaun sī turpan udheḌ rakkhī hai

kisī ke jaane se itnā bhī kaun rotā hai

na jaane kaun si turpan udheD rakkhi hai

kisi ke jaane se itna bhi kaun rota hai