tafsīl-e-ināyāt to ab yaad nahīñ hai

par pahlī mulāqāt kī shab yaad hai mujh ko

tafsil-e-inayat to ab yaad nahin hai

par pahli mulaqat ki shab yaad hai mujh ko

baat to jab hai ki jazboñ se sadāqat phūTe

yuuñ to da.avā hai har ik shaḳhs ko sachchā.ī kā

baat to jab hai ki jazbon se sadaqat phuTe

yun to dawa hai har ek shaKHs ko sachchai ka

tum samundar ke sahme hue josh ko merā paiġhām denā

mausam-e-habs meñ phir koī aaj taaza havā chāhtā hai

tum samundar ke sahme hue josh ko mera paigham dena

mausam-e-habs mein phir koi aaj taza hawa chahta hai