maiñ ye bhī chāhtī huuñ tirā ghar basā rahe

aur ye bhī chāhtī huuñ ki tū apne ghar na jaa.e

main ye bhi chahti hun tera ghar basa rahe

aur ye bhi chahti hun ki tu apne ghar na jae

jo bhiik māñgte hue bachche ke paas thā

us kāsa-e-savāl ne sone nahīñ diyā

jo bhik mangte hue bachche ke pas tha

us kasa-e-sawal ne sone nahin diya

har december isī vahshat meñ guzārā ki kahīñ

phir se āñkhoñ meñ tire ḳhvāb na aane lag jaa.eñ

har december isi wahshat mein guzara ki kahin

phir se aankhon mein tere KHwab na aane lag jaen

kaun kahāñ tak jā saktā hai

ye to vaqt batā saktā hai

kaun kahan tak ja sakta hai

ye to waqt bata sakta hai