vo tavajjoh de na de lekin sadā dete raho

apne hone kā use 'rūhī' patā dete raho

wo tawajjoh de na de lekin sada dete raho

apne hone ka use 'ruhi' pata dete raho

pata hotā to na kartā kabhī koī nekī

tumhīñ jannat meñ milogī mujhe ma.alūm na thā

pata hota to na karta kabhi koi neki

tumhin jannat mein milogi mujhe malum na tha

hamārī biivī aur mahñgā.ī donoñ haiñ sagī bahneñ

hamārī jeb kī aksar safā.ī hotī rahtī hai

hamari biwi aur mahngai donon hain sagi bahnen

hamari jeb ki aksar safai hoti rahti hai

kahā laḌke kī ammī ne rahegī ḳhush sadā beTī

ki uupar se bhī laḌke kī kamā.ī hotī rahtī hai

kaha laDke ki ammi ne rahegi KHush sada beTi

ki upar se bhi laDke ki kamai hoti rahti hai

saḳht-jānī meñ bhī niklogī misālī ya.anī

maar kar mujh ko marogī mujhe ma.alūm na thā

saKHt-jaani mein bhi niklogi misali yani

mar kar mujh ko marogi mujhe malum na tha