mujh sā koī jahān meñ nādān bhī na ho

kar ke jo ishq kahtā hai nuqsān bhī na ho

mujh sa koi jahan mein nadan bhi na ho

kar ke jo ishq kahta hai nuqsan bhi na ho

tum ne kaisā ye rābta rakkhā

na mile ho na fāsla rakkhā

tum ne kaisa ye rabta rakkha

na mile ho na fasla rakkha

tū ruke yā na ruke faisla tujh par chhoḌā

dil ne dar khol diye haiñ tirī āsānī ko

tu ruke ya na ruke faisla tujh par chhoDa

dil ne dar khol diye hain teri aasani ko

aise lagtā hai ki kamzor bahut hai tū bhī

jiit kar jashn manāne kī zarūrat kyā thī

aise lagta hai ki kamzor bahut hai tu bhi

jit kar jashn manane ki zarurat kya thi

tū na rusvā ho is liye ham ne

apnī chāhat pe dā.era rakkhā

tu na ruswa ho is liye hum ne

apni chahat pe daera rakkha

apnī socheñ safar meñ rahtī haiñ

us ko paane kī justujū dekho

apni sochen safar mein rahti hain

us ko pane ki justuju dekho