ab log likh rahe haiñ mohabbat kī dāstān

malbe se mere us kī nishānī nikāl kar

ab log likh rahe hain mohabbat ki dastan

malbe se mere us ki nishani nikal kar

jahāñ se 'saif' hameñ kuchh nazar nahīñ aatā

vahīñ se rāsta aksar hamārā bantā hai

jahan se 'saif' hamein kuchh nazar nahin aata

wahin se rasta aksar hamara banta hai

ye soch kar ke kabhī jhuuT bol lete haiñ

har ek shaḳhs se ab rābta ḳharāb na ho

ye soch kar ke kabhi jhuT bol lete hain

har ek shaKHs se ab rabta KHarab na ho

aisī hālat meñ to mar jaate haiñ achchhe achchhe

ham ne jis haal meñ is baar guzārā dukh hai

aisi haalat mein to mar jate hain achchhe achchhe

hum ne jis haal mein is bar guzara dukh hai

tere hāthoñ ne jo thāmā hai kisī aur kā haath

merī āñkhoñ ko yahī ek nazāra dukh hai

tere hathon ne jo thama hai kisi aur ka hath

meri aankhon ko yahi ek nazara dukh hai

ye dekhne ke liye us ne phir se toḌ diyā

ki kaise TuuTā huā dil dobāra bantā hai

ye dekhne ke liye us ne phir se toD diya

ki kaise TuTa hua dil dobara banta hai

bantā rahā bigaḌtā rahā umr-bhar ye dil

lekin tamām umr ye patthar na ban sakā

banta raha bigaDta raha umr-bhar ye dil

lekin tamam umr ye patthar na ban saka

vo bad-nasīb log baḌe bad-nasīb log

pyāse rahe zamīn se paanī nikāl kar

wo bad-nasib log baDe bad-nasib log

pyase rahe zamin se pani nikal kar

masnad ke aage itnā jhukāyā hai apnā sar

bachchoñ kā mere dhaḌ to banā sar na ban sakā

masnad ke aage itna jhukaya hai apna sar

bachchon ka mere dhaD to bana sar na ban saka

ajiib shaḳhs hai 'irfān' ham se chāhtā hai

ke peḌ kaaT deñ aur ghoñsla ḳharāb na ho

ajib shaKHs hai 'irfan' hum se chahta hai

ke peD kaT den aur ghonsla KHarab na ho