tumhārā zikr jab se aa gayā hai

maza aane lagā hai guftugū meñ

tumhaara zikr jab se aa gaya hai

maza aane laga hai guftugu mein

maiñ jitnā sabr kartā jā rahā huuñ

vo utnā āzmātā jā rahā hai

main jitna sabr karta ja raha hun

wo utna aazmata ja raha hai

sabhī se jab mohabbat chāhte ho

mohabbat kyoñ nahīñ karte sabhī se

sabhi se jab mohabbat chahte ho

mohabbat kyon nahin karte sabhi se

log bīmār haiñ hasad ke sabab

aur hasad kī davā nahīñ hotī

log bimar hain hasad ke sabab

aur hasad ki dawa nahin hoti

yuuñ to maujūd apne ghar meñ hai

aadmī mustaqil safar meñ hai

yun to maujud apne ghar mein hai

aadmi mustaqil safar mein hai

adab meñ bhī luTere aa ga.e haiñ

kahāñ rakkhūñ ḳhayāl apnā bachā kar

adab mein bhi luTere aa gae hain

kahan rakkhun KHayal apna bacha kar

fazā meñ zahr gholā jā rahā hai

baḌī mushkil se bolā jā rahā hai

faza mein zahr ghola ja raha hai

baDi mushkil se bola ja raha hai