chalo baañT lete haiñ apnī sazā.eñ

na tum yaad aao na ham yaad aa.eñ

chalo banT lete hain apni sazaen

na tum yaad aao na hum yaad aaen

zindagī ik imtihāñ hai imtihāñ kā Dar nahīñ

ham añdheroñ se guzar kar raushnī kahlā.eñge

zindagi ek imtihan hai imtihan ka Dar nahin

hum andheron se guzar kar raushni kahlaenge

sabhī ne lagāyā hai chehre pe chehra

kise yaad rakkheñ kise bhuul jaa.eñ

sabhi ne lagaya hai chehre pe chehra

kise yaad rakkhen kise bhul jaen

kabhī kabhī tū mujhe yaad kar to letī hai

sukūn itnā sā kaafī hai zindagī ke liye

kabhi kabhi tu mujhe yaad kar to leti hai

sukun itna sa kafi hai zindagi ke liye

vo moḌ jis ne hameñ ajnabī banā Daalā

us ek moḌ pe dil ab bhī gungunātā hai

wo moD jis ne hamein ajnabi bana Dala

us ek moD pe dil ab bhi gungunata hai

ġhamoñ ne gher liyā hai mujhe to kyā ġham hai

maiñ muskurā ke jiyūñgā tirī ḳhushī ke liye

ghamon ne gher liya hai mujhe to kya gham hai

main muskura ke jiyunga teri KHushi ke liye

ġham-e-hayāt kā jhagḌā miTā rahā hai koī

chale bhī aao ki duniyā se jā rahā hai koī

gham-e-hayat ka jhagDa miTa raha hai koi

chale bhi aao ki duniya se ja raha hai koi