ḳhud apne-āp se milne kī ḳhātir

abhī kosoñ mujhe chalnā paḌegā

KHud apne-ap se milne ki KHatir

abhi koson mujhe chalna paDega

ek āvāz maiñ ne sunī thī abhī kaun bolā thā ye to ḳhabar hī nahīñ

ye ta.alluq zarūrī hai kis ne kahā vo bhī ḳhāmosh thā maiñ bhī ḳhāmosh thī

ek aawaz main ne suni thi abhi kaun bola tha ye to KHabar hi nahin

ye talluq zaruri hai kis ne kaha wo bhi KHamosh tha main bhi KHamosh thi

maiñ ne kahā thā mujh ko añdhere kā ḳhauf hai

us ne ye sun ke aaj mirā ghar jalā diyā

main ne kaha tha mujh ko andhere ka KHauf hai

us ne ye sun ke aaj mera ghar jala diya

mujh ko us ke nahīñ ḳhud mere havāle karte

kam se kam ye to mire chāhne vaale karte

mujh ko us ke nahin KHud mere hawale karte

kam se kam ye to mere chahne wale karte

jazboñ par jab barf jame to jiinā mushkil hotā hai

dil ke ātish-dān meñ thoḌī aag jalānī paḌtī hai

jazbon par jab barf jame to jina mushkil hota hai

dil ke aatish-dan mein thoDi aag jalani paDti hai

aise kuchh hādse bhī guzre haiñ

jin pe maiñ aaj tak nahīñ roī

aise kuchh hadse bhi guzre hain

jin pe main aaj tak nahin roi

be-qarārī se mire paas vo aayā lekin

us ne pūchhā bhī to bas ye ki fulāñ kaisā hai

be-qarari se mere pas wo aaya lekin

us ne puchha bhi to bas ye ki fulan kaisa hai

maiñ ek roz use DhūñD kar to le aa.uuñ

vo apnī zaat se bāhar kahīñ mile to sahī

main ek roz use DhunD kar to le aaun

wo apni zat se bahar kahin mile to sahi

sard hote hue vajūd meñ bas

kuchh nahīñ thā alaav āñkheñ thiiñ

sard hote hue wajud mein bas

kuchh nahin tha alaw aankhen thin