chalte rahe to kaun sā apnā kamāl thā

ye vo safar thā jis meñ Thaharnā muhāl thā

chalte rahe to kaun sa apna kamal tha

ye wo safar tha jis mein Thaharna muhaal tha

ab mujh ko ruḳhsat honā hai ab merā hār-siñghār karo

kyuuñ der lagātī ho sakhiyo jaldī se mujhe tayyār karo

ab mujh ko ruKHsat hona hai ab mera haar-singhaar karo

kyun der lagati ho sakhiyo jaldi se mujhe tayyar karo

ik naqsh ki ban ban ke bigaḌtā hī rahā hai

ik ḳhvāb ki puurā kabhī hotā hī nahīñ hai

ek naqsh ki ban ban ke bigaDta hi raha hai

ek KHwab ki pura kabhi hota hi nahin hai