dayār-e-ġhair meñ luTte to koī baat na thī

luTe vatan meñ to sadma huā na jaane kyuuñ

dayar-e-ghair mein luTte to koi baat na thi

luTe watan mein to sadma hua na jaane kyun

sāmne mohabbat ke hech hai siyāsat bhī

jab dimāġh thak jaa.e dil se kaam le ai dost

samne mohabbat ke hech hai siyasat bhi

jab dimagh thak jae dil se kaam le ai dost

karo gunāh-e-mohabbat tamām umr 'shahāb'

ḳhudā kī dī huī ne.amat butoñ ke kaam aa.e

karo gunah-e-mohabbat tamam umr 'shahab'

KHuda ki di hui neamat buton ke kaam aae

nāla-e-bulbul se ġhunchoñ ke kaleje phaT ga.e

gulsitāñ vaale samajhte haiñ ki gul ḳhandāñ hue

nala-e-bulbul se ghunchon ke kaleje phaT gae

gulsitan wale samajhte hain ki gul KHandan hue

kaun ehsān-e-nā-ḳhudā.ī le

is se behtar to Duub jaanā hai

kaun ehsan-e-na-KHudai le

is se behtar to Dub jaana hai

mai-ḳhāna-e-hastī meñ muflis kī javānī kyā

ik laġhzish-e-mastāna do-chār qadam jaise

mai-KHana-e-hasti mein muflis ki jawani kya

ek laghzish-e-mastana do-chaar qadam jaise

aur baḌhte to ḳhudā.ī kā bhī da.ave karte

ḳhair guzrī ki ye but rah ga.e but-ḳhāne meñ

aur baDhte to KHudai ka bhi dawe karte

KHair guzri ki ye but rah gae but-KHane mein