ik samt ghar ke log haiñ ik samt 'ishq hai

ai naujavān laḌkī himāqat kī baat hai

ek samt ghar ke log hain ek samt 'ishq hai

ai naujawan laDki himaqat ki baat hai

vahshat ne mujh hasīn ko behāl kar diyā

kamzor dil ke log na dekheñ mirī taraf

wahshat ne mujh hasin ko behaal kar diya

kamzor dil ke log na dekhen meri taraf

zindagī ek film hai merī

jis meñ hañsne kā scene hai hī nahīñ

zindagi ek film hai meri

jis mein hansne ka scene hai hi nahin

hamārī aañkh ke aañsū sameTo

tumhārā is se ḳharcha chal rahā hai

hamari aankh ke aansu sameTo

tumhaara is se KHarcha chal raha hai

pūchh mujh se ki kis tarah maiñ ne

terī tasvīr pe guzārā kiyā

puchh mujh se ki kis tarah main ne

teri taswir pe guzara kiya