us ko sochūñ to dhyān meñ mere

ḳhushbū aatī hai pahlī bārish kī

us ko sochun to dhyan mein mere

KHushbu aati hai pahli barish ki

yā to ḳhud ko sipurd-e-'ishq na kar

yā jo hotā hai phir malāl na pūchh

ya to KHud ko sipurd-e-'ishq na kar

ya jo hota hai phir malal na puchh

phir vahī raat vahī chāñd vahī tum vahī maiñ

kyā kisī chhat ke muqaddar meñ likhe jā.eñge

phir wahi raat wahi chand wahi tum wahi main

kya kisi chhat ke muqaddar mein likhe jaenge

tere jaane ke baa'd bhī tujh se

ham bahut der tak jhagaḌte rahe

tere jaane ke ba'd bhi tujh se

hum bahut der tak jhagaDte rahe

itne barsoñ kī rat-jagī āñkheñ

kyā shikāyat kareñgī ḳhvāboñ se

itne barson ki rat-jagi aankhen

kya shikayat karengi KHwabon se