yā to ḳhud ko sipurd-e-'ishq na kar

yā jo hotā hai phir malāl na pūchh

ya to KHud ko sipurd-e-'ishq na kar

ya jo hota hai phir malal na puchh

us ko sochūñ to dhyān meñ mere

ḳhushbū aatī hai pahlī bārish kī

us ko sochun to dhyan mein mere

KHushbu aati hai pahli barish ki

kyoñ koī kokh jo suunī ho vo sharminda ho

kyā zarūrī hai ki har siip se motī nikle

kyon koi kokh jo suni ho wo sharminda ho

kya zaruri hai ki har sip se moti nikle

tere jaane ke baa'd bhī tujh se

ham bahut der tak jhagaḌte rahe

tere jaane ke ba'd bhi tujh se

hum bahut der tak jhagaDte rahe

phir vahī raat vahī chāñd vahī tum vahī maiñ

kyā kisī chhat ke muqaddar meñ likhe jā.eñge

phir wahi raat wahi chand wahi tum wahi main

kya kisi chhat ke muqaddar mein likhe jaenge

zindagī bhī hai ik burī 'ādat

jaan jaa.e to is se jaañ chhūTe

zindagi bhi hai ek buri 'adat

jaan jae to is se jaan chhuTe

apnī choTī meñ bāñdh kar jugnū

shab tirā intizār kartī hai

apni choTi mein bandh kar jugnu

shab tera intizar karti hai

zindagī yuuñ to nayā lafz nahīñ hai lekin

vaqt ke saath na.e is ke ma'ānī nikle

zindagi yun to naya lafz nahin hai lekin

waqt ke sath nae is ke ma'ani nikle

makān-e-dil se ruḳhsat ho gayā 'ishq

udāsī lauT kar tū ghar chalī aa

makan-e-dil se ruKHsat ho gaya 'ishq

udasi lauT kar tu ghar chali aa

'ajīb haal hai tujh se bichhaḌ ke bhī ab tak

ye dil tujhī se bichhaḌne ke Dar meñ rahtā hai

'ajib haal hai tujh se bichhaD ke bhi ab tak

ye dil tujhi se bichhaDne ke Dar mein rahta hai

vo kisī bhūle hue naġhme kī dhun ke mānind

zehn meñ hai to magar yaad nahīñ aatā hai

wo kisi bhule hue naghme ki dhun ke manind

zehn mein hai to magar yaad nahin aata hai

āñkheñ haiñ ek 'umr se girvī rakhī huiiñ

dukh kā vo qarz hai ki utārā nahīñ gayā

aankhen hain ek 'umr se girwi rakhi huin

dukh ka wo qarz hai ki utara nahin gaya

itne barsoñ kī rat-jagī āñkheñ

kyā shikāyat kareñgī ḳhvāboñ se

itne barson ki rat-jagi aankhen

kya shikayat karengi KHwabon se

ai sakhī likh diye haiñ naam un ke

rang holī ke giit phāgun ke

ai sakhi likh diye hain nam un ke

rang holi ke git phagun ke

hāsil-e-zindagī hai vo lamha

jab tū mujh se lipaT ke royā thā

hasil-e-zindagi hai wo lamha

jab tu mujh se lipaT ke roya tha

phir chhū gayā hai pyaar se koī zamīn-e-dil

khilne lage haiñ dasht meñ phir mogre ke phuul

phir chhu gaya hai pyar se koi zamin-e-dil

khilne lage hain dasht mein phir mogre ke phul