gilā bhī tujh se bahut hai magar mohabbat bhī

vo baat apnī jagah hai ye baat apnī jagah

gila bhi tujh se bahut hai magar mohabbat bhi

wo baat apni jagah hai ye baat apni jagah

kaise yaad rahī tujh ko

merī ik chhoTī sī bhuul

kaise yaad rahi tujh ko

meri ek chhoTi si bhul

jab bhī mile ham un se unhoñ ne yahī kahā

bas aaj aane vaale the ham aap kī taraf

jab bhi mile hum un se unhon ne yahi kaha

bas aaj aane wale the hum aap ki taraf

dil lagā lete haiñ ahl-e-dil vatan koī bhī ho

phuul ko khilne se matlab hai chaman koī bhī ho

dil laga lete hain ahl-e-dil watan koi bhi ho

phul ko khilne se matlab hai chaman koi bhi ho

'bāsir' tumheñ yahāñ kā abhī tajraba nahīñ

bīmār ho? paḌe raho, mar bhī ga.e to kyā

'basir' tumhein yahan ka abhi tajraba nahin

bimar ho? paDe raho, mar bhi gae to kya